Cornas, autodeterminaziun e detectivs

da Claudia Cadruvi / anr

Il suveran svizzer è confruntà cun in bel puschel da dumondas. Ils 25 da november ha el da decider davart subvenziuns per purs che tegnan vatgas u chauras cun corna. Igl è ina chaussa plitost emoziunala che blers decidan probabel tenor sentiment e simpatia. Cun l’iniziativa d’autodeterminaziun da la pps sa tschenta la dumonda: Duai la Constituziun svizra avair la precedenza avant il dretg internaziunal? Betg mo giurists sa chattinan davart quest principi, anzi, i sa tschenta en general er ord vista economica la dumonda schebain in pitschen pajais sco la Svizra po insumma punctuar en in senn absolut sin suveranitad ed autodeterminaziun. Plinavant decida il votant davart detectivs socials. Igl è da pasentar schebain observaziuns dad assicuranzas violeschan il dretg sin la sfera privata u sch’ellas pon vegnir exequidas sin ina moda e maniera ch’il dretg da persunalitad – in dretg fundamental – resta salvà.

pagina 2