La Posta mida concept 
a Silvaplauna

(rtr) Per la filiala da la posta, che svanescha da Silvaplauna, datti a partir dals 3 da december in servetsch al spurtegl d’infurmaziun da turissem. Quai communitgescha La Posta Svizra. A Silvaplauna pon ins a partir da quest datum trametter pachets e far pajaments al spurtegl d’infurmaziun da turissem, l’uschenumnada i-lounge 3303. La filiala cun partenari duai porscher la pussaivladad da purschidas da posta en il vitg. Gia la primavaira era vegnì communitgà che la filiala da posta vegnia a serrar. Uschia maina La Posta Svizra sezza davent dal december anc quatter filialas en l’Engiadin’Ota, sco La Posta ha scrit sin dumonda dad RTR. Las quatter filialas classicas chattan ins a Puntraschigna, Samedan, Segl e San Murezzan.