Registraziun da cumposiziuns veglias

(anr/fa) D’incuort ha il clarinettist Jachen Erni chattà i’l relasch da seis bap ün cudesch da notas d’intuorn l’on 1880. Quel cuntegna tocs notats dal primviolinist Rinaldo Franci da Siena. Il musicist Rinaldo Franci vaiva manà fin da l’on 1907 l’Istituto musicale di Siena. Cur cha Jachen Erni ha chattà quist cudesch tanter tuot las cumposiziuns cha seis bap vaiva ramassà ha’l s’impissà chi sajan tocs classics. Cun sunar ha’l però badà chi’s tratta da musica populara. El e’ls commembers da la Chapella Erni han decis da registrar quists tocs sün ün disc cumpact e publichar ün cudesch cullas notas. Implü es Jachen Erni landervia a scriver ün cudesch davart la musica populara d’Engiadina.

pagina 9