Televisiun avant 
print e radio

La televisiun ha la pli gronda pussanza da furmar l’opiniun da las Svizras e dals Svizzers. Quai avant la pressa, il radio e las medias online. A quella conclusiun vegn il monitur da medias che l’Uffizi federal da communicaziun Bakom ha publitgà il mardi per l’emprima giada. La chasa da medias cun la pli grond’influenza è tenor il monitor la SRG SSR cun ses programs da televisiun e da radio e sias paginas en l’internet. Sin il segund post suonda Tamedia ch’edescha tranter auter la gasetta «Tages-Anzeiger» e la gasetta da pendularis «20 minutas». Sch’ins guardia sin ils singuls programs e las singulas gasettas saja gist la gasetta gratuita, che vegn publitgada en trais linguatgs naziunals, il med da massa cun la pli grond’influenza sin la furmaziun da l’opiniun en Svizra, di il Bakom. Tut en tut mussia la retschertga che la Svizra possedia in mund da medias multifar che garanteschia a la populaziun svizra da pudair sa furmar in’opiniun equilibrada.