I po dar in zic naiv

Situaziun generala: Ils vents midan direcziun e procuran per ina midada da l’aura.

Oz: Sur il cunfin da nebla che tanscha fin a 1700 meters èsi surtratg ed i po naiver in zic en il decurs dal di. En il nord èsi –1 fin 4 grads ed en l’Engiadin’Ota fin –2 grads.

Prognosa: Il mardi èsi ferm surtratg ed i po naiver in zic, fin 2 grads, en las valladas da favugn fin 5 grads. La mesemna e la gievgia fai sur la nebla aura detg sulegliva, cun favugn fin 7 grads. Il venderdi per il pli surtratg e precipitaziuns. En il sid naivi il mardi fin giu sin 400–600 meters. La mesemna e la gievgia per part sulegliv e sitg.