La nova sesiun ha cumenzà

(anr/ac) Il venderdi passà han Roman Weishaupt ed ils ulteriurs collavuraturs dal Teater giuven Grischun preschentà a Cuira las finamiras per la sesiun 2019. Ina sesiun ch’ha gia cumenzà a Cuira, Glion e Samedan. Ils fritgs da quella lavur vegnan preschentads en il decurs da l’avrigl 2019. Ulteriurs lavuratoris da teater èn previds en Surselva ed en l’Engiadina Bassa en il decurs da las vacanzas da primavaira da la scola. Explitgà ha Weishaupt era la situaziun finanziala dal Teater giuven e la nova cunvegna da prestaziun cun il chantun. Per curclar il preventiv e segirar la finanziaziun da la purschida dal teater èn ulteriuras contribuziuns indispensablas.

pagina 4