Ün nouv directur pel PNS

(anr/afi) La cumischiun federala dal Parc Naziunal Svizzer (PNS) ha elet a Ruedi Haller sco nouv directur dal PNS. El succeda cun quai a Heinrich Haller chi vain prossem utuon pensiunà. Ruedi Haller es maridà, bap da trais uffants ed abita ad Ardez. El ha stübgià a Turich cartografia al Politecnicum ed a l’Università geografia. Actualmaing es Haller respunsabel per la perscrutaziun e la geoinfuormaziun ed es commember da la direcziun dal PNS. Haller es daspö la fundaziun dal PNS da l’on 1914 il settavel directur dal plü vegl parc da natüra da las Alps. El s’allegra da si’elecziun sco nouv directur dal PNS. Quai chi’d es per el eir üna conferma da la buna lavur cha tuot il team dal PNS ha prestà dürant ils ultims ons.

pagina 7