Squadras sursilvanas sin buns rangs

(anr/hh) Il campiunadi da ballapei regiunal ei terminaus per uonn, la fin da mars vegn el cuntinuaus. Ord vesta sursilvana han ton equipas dils activs sco dallas damas e dils juniors perschuadiu. Schluein Glion ha vinavon buns aspects da contonscher igl emprem rang ella 3. ligia e Trun/Rabius resta sils calcogns dil capogruppa dalla 4. ligia Schlarigna. El campiunadi dils juniors han squadras dalla Surselva mussau per part fetg bunas prestaziuns. A tuttas equipas ch’han dau ella pli aulta categoria regiunala da lur vegliadetgnas – quella da promoziun – eis ei reussiu da contonscher buns entochen fetg buns rangs.

Pagina 5