Concurrenza pcd
 all’EX 18

(cp) A caschun dalla radunonza da delegai dalla pcd grischuna ha il president Stefan Engler astgau eruir ils victurs dalla concurrenza dil stan dalla pcd all’EX 18 a Mustér. Ord varga 200 cedels da participaziun inoltrai ein il victurs vegni discuvretgs.

Il quart premi, ina carta dil di dil territori da skis da Sursaissa Mundaun, va si Curaglia ad Evelina Giger. Treis cartas dil di dil territori da skis dalla Skiarena Andermatt Sedrun gudogna Jasmin Huonder da Glion. Robin Spescha d’Andiast gudogna il secund premi, tschun cartas dil di el territori per sport d’unviern da Mustér. Gl’emprem premi, ina carta da sesiun dil territori da skis da Val Sogn Pieder, gudogna Madlen Huonder da Mustér. La pcd grischuna engrazia als participonts dalla concurrenza e gratulescha als victurs, giavischond ad els in bi temps d’advent e bia plascher da perscrutar ils territoris da skis en Surselva.