Perfecziun d’organistas ed organists

(cp) Cuors da perfecziunament dallas duas organisaziuns grischunas Vogra e BVKOK da sonda, ils 10 da november 2018 ella baselgia dalla sontga Crusch a Cuera. Oravontut tier survetschs divins per la giuventetgna e survetschs divins per famiglias vegn ei giavischau pli e pli savens las «canzuns novas sacralas» ni «canzuns da sacro-pop». Quellas canzuns pretendan fuormas specialas tier igl accumpignament – savens tenor indicaziuns d’accords. Sut la direcziun cumpetenta dad Ester Mottini, organista a San Murezzan, han nov participonts saviu intervegnir cun tips e trics co ins sa emprender d’accumpignar las canzuns.

Ils differents musters per igl accumpignament da balladas, bossa nova, rock, boogie-woogie», walking bass», e jazz-valser han empalau ils participonts dil cuors tier il drive necessari. Suenter empau retenientschas dall’entschatta ha il cuntinuau experimentar fatg curaschus e pli gagliards e la finala purtau in cool groove.A Mottini admettein nus in cordial engraziament per las numerusas animaziuns ed igl interessant e gideivel material.