Carn da Vrin a Turitg

(anr/abc) La mazlaria da Vrin seprofilescha cun ses products. L’jamna vargada ha l’organisaziun «Bio Gourmet Knospe» distinguiu in manetsch resp. ina coppa dil mazler Hermann Huldi cun in label da qualitad. Il manetsch producius e sechentaus ella medema casa a Vrin han experts a Turitg degustau da maniera anonima e tenor criteris specifics. La specialitad da Vrin ei denton buca mo la coppa, mobein era ils schambuns, las ligiongias, la carn piertg e gl’entir sortiment da carn ch’el elaborescha. Il bischu che Huldi appreziescha il pli fetg ei il surcombras da sechentar. El ei loschs da luvrar en in menaschi pign che sa – sco quei ch’ei semuossa – semetter en concurrenza cun producents gronds sco Bell, Ospelt ni Spiess.

pagina 3