Il naziunalissem turna

(gsc) Il naziunalissem turna en Europa, perfin en Svizra, sco er en America. Quai dat da patratgar. Tge din istorichers che perscruteschan ils davos dus tschientaners? In da quels è Thomas Maissen 
(* a Turitg 1962), figl d’in Grischun e d’ina Finlandaisa, autur d’ina «Geschichte der Schweiz» (1) e schef da l’Institut istoric tudestg a Paris (DHIP). Sut sia direcziun ha il DHIP schlargià ses focus geografic: Il 2015 ha el surpiglià ina cooperaziun cun l’Universitad da Dakar (Senegal) e fundà ina gruppa da perscrutaziun davart l’Africa a sid da la Sahara, pia per gronda part en il Sahel francofon. Mesemna, ils 28 da november da las 18.15 a las 20.00 (2) referescha Maissen davart «L’Europa ed il return dal naziunalissem». El dumonda: Pertge quel nov naziunalissem e quellas crisas nuvellas en Europa ed en il mund? Tge muntan lezs svilups per la Svizra? Suenter il referat discuteschan l’anteriur cuss. naz. Hans-Jürg Fehr (SH/ps), istoricher, e l’economist Patrick Dümmler cun la renumada moderatura Ursula Hürzeler. I suonda in aperitiv. I vala segir la paina da far part da l’occurrenza gist avant la probabla elecziun da duas novas cusseglieras federalas che ston lur er ellas far frunt a talas tendenzas.

1. Edì a Baden (hier + jetzt, ISBN 978-3-03919-174-1) 2010.

2. Lieu: Aula da l’Universitad da Berna. Inscripziun: event@sga-aspe.ch. Occurrenza da la Societad svizra da politica estra.