Project La Sassa – il proxim pass

(rtr) Suenter che la dumonda da bajegiar per il resort da vacanzas è vegnì inoltrà duai uss era vegnir inoltrà la dumonda da construcziun per la pendiculara. Dapi passa trais onns e mez lavuran ins en Val Müstair vi da la realisaziun dal resort da vacanzas La Sassa a Tschierv. Il resort duai vegnir construì sisum Tschierv. Dal prà Chalchera nua ch’ils edifizis vegnan a vegnir construids duaja ina pendiculara manar ils giasts en la regiun da skis Minschuns. Suenter che la dumonda da bajegiar per il resort è vegnida inoltrada è uss era pronta la dumonda da bajegiar per la pendiculara. Quai è la cundiziun dal patrun da construcziun, la Domenig Immobilien. Perquai èsi d’impurtanza essenziala ch’ils implants da sport Val Müstair SA survegnian il permiss da bajegiar per la pendiculara e possian cumenzar cun la construcziun. La finamira dals promoturs dal project è da cumenzar a bajegiar l’onn proxim. Da Nadal 2019 duai la nova pendiculara ir en funcziun.