Relevant per il sistem Sawiris

Dad Andreas Cadonau / ANR

La colligiaziun dils territoris da skis da Andermatt e Sedrun ei beinprest realisada. Cun quella realisaziun va in siemi en vigur per il meinagestiun Silvio Schmid. Bein ein las lavurs finalas aunc buca ventschidas, il termin per la fiasta d’avertura dalla colligiaziun dils territoris da skis Sedrun ed Andermatt ei denton fixaus. In project ch’ha fatschentau ferm il meinagestiun dallas pendicularas, Silvio Schmid, sur onns. El ha annunziau dacuort da far in pass anavos enteifer la hierarchia dall’interpresa. Sco el ha tradiu era per haver empau dapli temps da dar golf. Igl avegnir dalla Arena da skis Andermatt-Sedrun valetescha Schmid positiv cunzun pervia dall’altezia dil territori e la purschida multifara. Per l’autra valetescha el il territori da skis sco relevants pil sistem Samih Sawiris instradaus ad Andermatt. Quei malgrad la gronda pressiun da prezis che regia actualmein ella branscha. Ina restructuraziun enteifer ils menaschis da transport els cuolms ei per il meinagestiun dalla Arena da skis Andermatt-Sedrun indispensabels sch’il maun public ei buca promts pli da gidar singuls menaschis ord las miserias finanzialas. S’exprimius ei Schmid era viers siu engaschi ella suprastonza dall’organisaziun turistica da Sedrun e Mustér.

pagina 3