Derbi da hockey Engiadina 
cunter San Murezzan

Il derbi da hockey engiadinais va en la proxima runda. Gartegia quai a l’equipa da l’Engiadina Bassa suenter tschintg onns puspè da gudagnar cunter San Murezzan? En segunda liga vegni puspè al derbi da hockey engiadinais. Engiadina u lura puspè San Murezzan? Tgenina equipa va questa giada cun la curuna da hockey en Engiadina?

L’emprim derbi da la stagiun ha San Murezzan gudagnà a chasa cun 8:5. Suenter dus terzs manava l’equipa indigena cun 7:1. Lura dentant è vegnida la reacziun dal CdH Engiadina. L’equipa ha fatg anc quatter gols. Per la victoria n’hai sa chapescha betg pli bastà. Dentant ha er il CdH Engiadina mussà co ins fa gols cunter San Murezzan.

Suenter la mesadad dal campiunadi en segunda liga è l’EHC San Murezzan anc adina sin plaz dus da la tabella. L’equipa da l’Engiadin’Ota è er avant il segund derbi da la stagiun cunter Engiadina il favurit. Dentant: Derbis han per il pli atgnas reglas, perquai na pon ins mai savair. La davosa partida ha mussà fitg cler ch’i po midar dad in terz a l’auter:

Dapli fadia ha er durant questa stagiun il CdH Engiadina. Sco previs avant questa stagiun ha l’equipa dad empruvar da restar en segunda liga. Fin uss è quai gartegià ad Engiadina detg bain. Engiadina ha pudì sa distanziar in zichel da las plazzas da relegaziun.

Suenter tschintg onns senza victoria en il derbi cunter San Murezzan fissi plaunet ura per ina revantscha. Daco betg durant il segund derbi da la stagiun a chasa en la halla Gurlaina.