L’entira Svizra mira quels dis viers Flem

(cp) L’entira naziun da patinadi artistic dalla Svizra mira proximamein en direcziun Flem. Naven dad oz gievgia, ils 29 da november tochen dumengia, ils 2 da december spetgan ins a Flem ella halla da glatsch dil center da sport Prau la Selva rodund 280 patinunzas e patinunzs. Las giuvnas atletas ed ils atlets prendan part dalla concurrenza tradiziunala «Flimser Trophy» che quenta pil Swiss Cup. Affons e giuvenils ella vegliadetgna da tschun tochen 25 onns sepresentan en ina concurrenza sportiva attractiva.