Plazza vacanta in suprastanza

(anr/bcs) La radunanza da preventiv dal cumün da Zernez ha gnü lö venderdi passà i’l auditori dal Parc Naziunal Svizzer i’l tablà dal Chastè Planta Wildenberg a Zernez. Ils preschaints han approvà sco proponü da la suprastanza ils preventivs d’investiziuns e dal quint da success. Il pè d’impostas dad 84 pertschient da l’imposta chantunala simpla es gnü fat bun da la radunanza cun unanimità. Davo la radunanza ha gnü lö la saramantaziun dal president cumünal e da la suprastanza per la perioda d’uffizi 2019 fin 2022. Per intant manca amo ün o üna suprastanta pella fracziun da Brail. La festa es gnüda accumpagnada da la Società da musica Zernez e cun ün discuors dal cusglier naziunal Duri Campell.

pagina 7