Parc Ela generescha valur dad 
8,8 milliuns francs per la regiun

Il Parc Ela generescha ina valur dad 8,8 milliuns francs per il turissem da sia regiun. Quai mussa in’enquista che la scola politecnica federala ETH ha fatg cun giasts. Tenor quest’enquista va la stad mintga otgavel giast che visita la Val d’Alvra ed il Surses pervi dal Parc Ela en la regiun. Sport, natira, cuntrada e ruaus: Quai èn las raschuns pertge ch’ils giasts van en il Parc Ela. E precis quai represchentia er il parc sco marca, uschia il directur da l’uniun Parc Ela, Dieter Müller. Vinavant vegn ins a savair en l’enquista che la maioritad dals giasts vegn or dal conturn da Turitg, Svizra centrala ed orientala. Uschia ha il visitader en media 54 onns e vegn da Turitg, viagescha en dus e stat sur notg en in’abitaziun.