DRG-online Made in China

Da Martin Cabalzar

Il Dicziunari Rumantsch Grischun datti dapi 114 onns. Fin qua èn cumparids 13 toms en furma stampada. En l’avegnir è il DRG er accessibel online. Il DRG è in’ovra monumentala da la lingua e cultura rumantscha. El documentescha pleds e locuziuns da tut ils idioms e dialects discurrids en il Grischun rumantsch. El mussa era danunder ch’ils pleds derivan, descriva lur muntada, lur derasaziun e lur applicaziun en la lingua pledada e scritta. En il decurs dals ultims 19 mais han quatter dunnas da la China digitalisà ils 13 toms gia cumparids en furma stampada che cumpeglian passa 10 000 paginas e radund 15 000 singuls artitgels. Cun la digitalisaziun è il DRG uss accessibel betg mo als 510 abunents, mabain ad in e scadin.

Pagina 2