Clar e transparent

(anr/abc) In ambulatori ei buc ina partiziun d’urgenza, mobein la partiziun da tractament, consultaziun e cussegliaziun. Il spital da Glion ha aviert quella. La tendenza mondi en direcziun ambulant, pia ina hospitalisaziun senza occupar plirs gis in letg da spital. Ier ha il directur dil Spital regiunal Surselva, Marcus Caduff, presentau il niev center ambulant. Per saver reagir al svilup ella sparta dalla hospitalisaziun ha il spital decidiu da reducir ils letgs staziunars. Ins ha unfriu la secunda alzada dalla part vest dil spital per scaffir in ambulatori. Per quei intent ha il spital investau 700 000 francs. Il niev center ambulant dispona da differentas stanzas da consultaziun e cussegliaziun, plinavon in labor per controllas cardiopulomonalas. Era ils pazients ch’ein suttaposts ad ina chemoterapia van uss el niev center ambulant a Glion.

pagina 6