Deposits per laina radunda er en il guaud

(rtr) Resgias e possessurs da guaud duain pudair deponer er en il guaud laina radunda. Il cussegl dals chantuns ha decidì senz’opposiziun da suandar ina moziun da sia cumissiun. Il cussegl federal duai ussa preschentar al parlament ina proposta per ina lescha. Maun liber na duain las resgias e las vischnancas dentant betg avair. Ils deposits ston meglierar e sustegnair l’explotaziun regiunala dal guaud. Tenor la cussegliera federala, Doris Leuthard, giaja questa pretensiun a prà cun ils principis da basa da la planisaziun dal territori e dal guaud acceptabla.