Somedia undra fidaivels collavuraturs

(lq) En il rom d’ina pitschna festivitad ha il concern da medias undrà fidaivels colluvraturs per lur lung engaschament a favur da l’interpresa. Il schef operativ Thomas Kundert ha introducì la festivitad cun il maletg d’in culm da glatsch amez la mar. Sin il piz dal culm che para or da l’aua stettian las novas collavuraturas ed ils novs collavuraturs. Savens sajan el era quels ch’ins audia e vesia il pli savens ed il pli savens enconuschian ins era els, ha Kundert manegià en tun ironic. Ins enconuschia els perquai ch’el sajan novs, sappian tut meglier, resigneschian dentant spert e midian alur era spert l’interpresa. La musica na sunia dentant, uschia Kundert, betg sisum, mabain giudim. La pli gronda part dal culm da glatsch sa chattia numnadamain sut la surfatscha da l’aua. Là lavurian quels che muntian il fundament da l’interpresa, il cor da quella. Là chattian ins quels che dettian impuls e slontsch a l’interpresa. Savens saja quai quels ch’ins audia u vesia betg savens, ils lavurers calms, savens engaschads sur decennis per l’interpresa. Quels meretian renconuschientscha ed a quels admettia el gugent l’engraziament en num da Somedia, ha ditg il schef operativ Thomas Kundert.

45 onns: Ivo Bieler
35 onns: Carmen Kesseli-Holenstein

30 onns: Christian Berther, Edwina Cajacob, Bernhard Petschen, Jutta Rettich.

25 onns: Monica Cescato, Jacqueline Petschen, Markus Timo Rüegg, Böla Zier, Silvio Lebrument

20 onns: Claudia Kock Marti, Belinda Pfister

15 onns: Katharina Balzer-Bändli, Freddy Bühler, Vito Camenisch, Chris Strauch.

10 onns: Pascal Büsser, Godo Furrer, Eva Gabathuler, Barbara Gassler, Valeria Gerstlauer, Marco Hartmann, Sabrina Hefti, Wolfram Mohr, Tamara Ulber, Silvano Umberg, Hugo Wetzel.

5 onns: Andrea Bossart, Claudia Casanova, Christian Dettwiler, Rinaldo Krättli, Uwe Oster, Simona Schindler, Ricarda Schmid, Tom Schneider, Mirko Fabian Spiess, Raphael Stierli.