Sulegl savens zuppà

Situaziun generala: Ina pressiun auta intermediara influenzescha oz l’aura en Svizra.

Oz: Sut 700 meters tschajera auta, uschiglio detg sulegliv. Vers saira nivels. Temperatura la damaun var –1 grad, il suentermezdi 3 fin 7 grads. Sin 2000 meters var 2 grads. Engiadina: L’entir di sulegliv.

Prognosa: Mesemna surtratg, vers saira plievgia, cunfin da naiv 1300 meters, gievgia alternant surtratg, naiv sur 700 meters, venderdi er surtratg, cunfin da naiv s’auza però sin 1600 meters. Sid: Mesemna surtratg e vers saira in zic plievgia, sur 600 fin 900 meters naiv. Gievgia e venderdi alternant surtratg.