Scursalada ed art

(anr/sr) Da Brün en Val Stussavgia tochen ad Imschlacht preparan Georg Buchli e Hanspeter Weibel in iral da scursalar da bellezia. Aunc pli biala e surprendenta ei la survesta ch’ins po guder ad Imschlacht nua ch’ils dus purs beneventan ils hosps en lur ustria d’unviern. Sco sin ina terrassa pon ils scursaladers ni viandonts guder la vesta sin massa pezza dalla Surselva e tochen sin cuolms digl Uri. Uonn han els vuliu porscher in’attracziun supplementara e perquei envidau igl artist Max Bürgin d’exponer sias 13 guotas giganticas. «13 Winternägel» ei in’installaziun che duei gidar da detabuisar las depressiuns.

pagina 2