Ina famiglia ventireivla

(anr/sr) Dapi treis jamnas s’engascha Alice Caduff – ch’ei oriunda da Cumbel e viva el cantun Berna – pils fugitivs a Lesbos. Sin Nadal tuorna ella a casa cun ina massa impressiuns che muentan il cor e midan la vesta silla tematica dils fugitivs. «One Happy Family» ei in center communabel sin l’insla greca Lesbos. Pervia dalla vischinonza tier la Terchia ei Lesbos ina destinaziun transitorica per carstgauns silla fuigia d’uiaras e crisas egl Orient central e l’Africa dil nord. Quels carstgauns restan biars meins sin l’insla e vivan leu sut cundiziuns da nundetga pupira. «Biars ston viver en tendas e gest uss eis ei bletsch e freid cheu», descriva Alice Caduff al telefon. Sin l’insla dat ei differentas organisaziuns humanitaras che miran pil survetsch medicinal, per vestgadira ni eba il center «One Happy Family». Quell’organisaziun ha la finamira da dar anavos als fugitivs in ton da lur dignitad ed autodeterminaziun.

pagina 6