In nov lieu per la stalla da Betlehem da la claustra

(rtr) Perquai che la baselgia da la claustra vegn restaurada na pon ins betg festivar là la festa da Nadal. Ed era per la stalla da Betlehem han ils conventuals stuì chattar in nov lieu. La stalla è vegnida plazzada en trais nischas da fanestras en suler nua ch’ins va da la stgala da rusari si en baselgia da Nossadunna. Quell’idea hajan il frater Fridolin e Letizia Berther gì. Els dus han alura era mess ensemen e repartì las scenas. La vigilgia da Nadal vegn festivada en la baselgia da Nossadunna, la messa tarda ed era la messa dals 25 da december èn en la baselgia da Sogn Gions.