Miaivel en las muntognas

Situaziun generala: Ina ferma zona da pressiun auta influenzescha l’aura dals ultims dis da 2018.

Oz: Giu la Bassa tschajera enfin 800 meters. Uschiglio per gronda part sulegliv. En las muntognas èsi miaivel. La temperatura da la damaun è –1 enfin –4 grads, en las muntognas durant il di enfin 8, en l’Engiadin’Auta 2 grads. En zonas da tschajera resti fraid.

Prognosa: La tschajera giu la Bassa na sa schlia betg sut 900 m s.m. Malgrà nivels extendids resti sulegliv cun temperatura dad 1 enfin 5 grads. Da Silvester tschajera giu la Bassa e temperaturas miaivlas en las muntognas. I resta sitg.