Nov record da pachets avant Nadal

(lq) Il dis avant Nadal hai dà blera lavur per il persunal da La Posta en il centers da pachets e brevs. Mintga di durant l’emna avant Nadal è vegnì sortì 1,4 milliuns pachets. Cunquai è vegnì rut il record da l’onn avant cun 1,3 milliuns pachets. Il motiv per questa carschen è il commerzi online. Ils collavuraturs da La Posta han stuì prestar blers servetschs extraordinaris per pudair garantir che pachets e brevs sajan ad uras tar la clientella. En ils trais centers gronds da pachets Frauenfeld (TG), Härkingen (SO) e Daillens (VD) han ils emploiads stuì lavurar durant las tschintg emnas passadas era la sonda per dar dumogn a la lavur. Er ils posttegnents e las posttegnentas a la front han repartì avant Nadal fin 17 milliuns brevs, reclamas e gasettas. Quai è ina digren dad in milliun spediziuns postalas durant quest temp.

A Rüti en il chantun Turitg ha in um sajettà il mardi marvegl sin in’ustaria ed uschia mazzà il possessur da quella. Quai communitgescha la polizia chantunala da Turitg. Ulteriurs blessads n’haja quai betg dà. Il delinquent supponì saja anc sin la fugia.

L’october da quest onn aveva il cussegl grond da Basilea approvà cun 69 cunter 13 vuschs e 13 abstenziuns il project da surbajegiada dal Zoo da Basilea. En il fratemp èn 4923 suttascripziuns cunter il project Ozeanium vegnidas inoltradas a la chanzlia statala. L’aquari grond duai custar radund 100 milliuns francs e dar al public cun 40 aquaris in’invista en il mund dals oceans. Protecturs d’animals èn da l’avis ch’il concept da l’aquari saja antiquà e betg avunda favuraivel als animals. Suenter ch’il parlament ha dà glisch verda han pliras organisaziuns tschernì il referendum.