Pil svilup regiunal

Da Hans Huonder / anr

Sut il tetel «projects pil svilup regiunal» vegn luvrau il mument vid quater projects parzials en Val Medel. L’engrondaziun dalla mazlaria Pally, ina nova cascharia, distribuziun e vendida da products agrars sco era in indrez da biogas. Ideas sut il tetel «projects pil svilup regiunal» vegnan promovidas e sustenidas da cantun e confederaziun. Il project pertuccont l’engrondaziun dalla mazlaria Pally ei gia s’avanzaus. Pertuccont ina nova cascharia vegn ei evaluau il proxim temps ils basegns sco era il liug e concernent la distribuziun da products agrars ein ins dapresent alla tscherca dalla persuna ni instituziun che less surprender quei. Plinavon vegn era fatg ponderaziuns il mument davart in indrez per la producziun da biogas.

Pagina 3