Tour de Ski in Val Müstair

(anr/bcs) Als 1. da schner 2019 ha gnü lö ün’etappa da sprint dal FIS Tour de Ski a Tschierv in Val Müstair. Guadagnà la cuorsa pro las duonnas ha Stina Nilsson da la Svezia e pro’ls homens Johannes Hoesflot Klaebo da la Norvegia. Ingüns da las atletas e dals atlets svizzers han ragiunt il final. Sco deschavel es stat Roman Furger il meglder dals atlets svizzers. Las 7000 spectaturas e spectaturs han giodü üna cuorsa spectaculara cun stortas stippas ed uondas construidas pro bell’ora. Sco cha’l president da l’organisaziun, Guido Mittner, ha dit s’haja l’intenziun d’organisar la cuorsa in duos ons in ün oter möd e na sco sprint. El spera cha Dario Cologna saja lura amo adüna da la partida.

pagina 7