Ueli Maurer ed il 2019 – 
tranter vatga e telefonin

Ueli Maurer, il president dal cussegl federal 2019, vul colliar las valurs svizras tradiziunalas cun l’avegnir. En pled e maletg fa el quai cun dus simbols: Cun vatga e telefonin. En ses pled da Bumaun ha ditg il president dal cussegl federal 2019 ch’i saja necessari per l’avegnir da guardar avant en il passà – quai na manegia Ueli Maurer dentant betg be per sai sez, mabain era per la Svizra: «En in temp uschè commovent ristgain nus savens che nus perdain il terren sut ils pes», ha ditg Maurer. Las valurs svizras hajan las Svizras ed ils Svizzers acquistà ensemen: Quai sajan la democrazia directa, la democrazia, il federalissem, la modestadad, la capacitad e la punctualitad. Sin quai dastgia la Svizra esser loscha, ellas furman la basa per la bainstanza dal pajais.

Sco simbol en pled e maletg è Maurer sa decidì per ina vatga che simbolisescha la tradiziun, la derivanza e las valurs communablas. Da l’autra vart metta el il telefonin per la midada rasanta da la societad, il progress tecnologic e per la gronda schanza e pussaivladad en la vita privata.