Trenar da salvar persunas ord lavinas

(rtr) En il territori da skis a Beiva è vegnì installà in indriz cun il qual ins po trenar da chattar persunas ch’èn vegnidas en ina lavina. Quai scriva Savognin-Beiva-Alvra Turissem en ina communicaziun.

L’implant è vegnì installà tar la staziun amez dal runal Camon. El po vegnir duvrà gratuitamain – i dovra simplamain in agen apparat dad LVS ch’ins po tschertgar persunas ch’èn vegnidas en ina lavina. L’implant nov ha otg emetturs ch’èn vegnids zuppads en la naiv. Els simuleschan persunas ch’èn sutterradas. L’indriz da trenament è vegnì finanzià da l’uniun 7457 ch’ha rimnà ils daners cun in’acziun da crowdfunding.