In «cudisch plein pievel» dil vitg da Breil

(anr/sr) Il vitg da purs Breil ei sesviluppaus alla destinaziun turistica e cunzun duront ils temps da vacanzas semova ina massa glieud pil vitg entuorn. Aschia era dad occurrenzas sco la scargada ni il marcau da Silvester e talas scenarias ein d’anflar el «cudisch plein pievel» (Wimmelbuch) da Silvan Gabriel e Sebastian Duff. Ils dus umens han giu l’idea da realisar in «cudisch plein pievel» da Breil, quei ch’ei in novum el Grischun. Per realisar quel a moda professiunala han ei contactau il «Wimmelbuchverlag» a Berlin e l’illustratura Isabelle Metzen ha la finfinala malegiau tozzels da scenettas che vegnan unidas sils gronds maletgs . Ella ha visitau Breil, observau e fotografau ed adina puspei surluvrau las scenarias en collaboraziun culs iniziants.

Pagina 3