Petra Gössi al apéro da Büman da la PLD.Ils Liberals Grischun

(cp) L’apero tradiziunal da Büman da la pld Grischun varà lö in venderdi, als 18 schner 2019 sco adüna i’l chastè da Reichenau. Il titul da l’arrandschamaint es «Pld Grischun cun tschernas naziunalas 2019». Punct culminant sarà il referat da Petra Gössi, presidenta da la PLD.Ils Liberals svizra. Ella discuorrerà sur da las «tschernas naziunalas 2019 – insembel far pass inavant». No ans allegrain sül evenimaint culla presidenta svizra. Seis referat cul titul menziunà sarà ün inizi perfet per l’an da tscherna 2019 e darà eir üna vista sül minchadi d’üna presidenta da partida.Davo moderescha il president chantunal Bruno W. Claus il podium cun la presidenta svizra Petra Gössi e cusglier da stadi Martin Schmid. Preschaints saran eir oters exponents da la Partida liberala, tanter oters cusglier guvernativ Christian Rathgeb. Davo il referat da Gössi sarà spazi avuonda per inscunters persunals pro l’aperitiv.