Cuorsa da skis e fiasta a Cumpadials

Sonda, ils 12 da schaner 2019 organisescha l’Uniun da cultura e sport Cumpadials ina cuorsa e fiasta da skis a Cumpadials. La cuorsa vegn menada atras cun dus percuors ed en duas categorias (affons e carschi). Ei setracta d’ina cuorsa per pign e grond, hosps ed indigens.

Consequentamein va buc il currider cun il meglier temps cun la plema, mobein la persuna cun la pli pintga differenza da temps dils dus percuors. La cuorsa astga vegnir absolvida cun skis, aissa, scarsola ni in auter mied da semover sin neiv e vegn menada atras sin il tschancun naven da Plaun Curschellas entochen la Punt Gonda. Igl emprem percuors entscheiva allas 11.00 ed il secund ha liug el decuors dil suentermiezdi. Gest sper la partenza dalla cuorsa porscha l’uniun als participonts e visitaders in pign menaschi d’ustria. Suenter la cuorsa cuntinuescha la fiasta da skis cun ina fiasta d’«Après-Ski» ell’anteriura casa da scola a Cumpadials.

Ulteriuras informaziuns ein disponiblas sin la pagina d’internet www.sumvitg-turissem.ch. L’uniun da cultura e sport Cumpadials envida cordialmein e selegra d’entupar massa hosps e vischins.

Uniun da cultura e sport Cumpadials