Me+Marie cun «Double Purpose»

(anr/ac) «Nus essan buca cools, nus fagein sulet musica en ina band. Pertgei savein nus buc, il sentiment denton ei buns ed aschi ditg che quei sentiment ei avon maun cuntinueinsa.» L’expressiun deriva sco ei para da Maria de Val alias Maria Moling. Ella fuorma cun Roland Scandella alias Roland Vögtlin il duo Me+Marie e la damonda davart lur coolness ei en quei cass da schar aviarta. Definitiv coola ei denton lur musica. Ils adherents dalla musicalitad da Me+Marie e tals promts da sefatschentar cun quella astgan serender sonda proxima el Cinema Sil Plaz a Glion nua ch’il duo presenta in schatg da siu album che senumna «Double Purpose». Me+Marie vulan far punts cun lur art musical. Punts denter epicenter e periferia, skizza e himna, rausch e romantica, denter consentiment e cuntradicziun. E quei sonda proxima, ils 12 da schaner allas 21.30 sin la tribuna dil Cinema Sil Plaz a Glion.

Reservaziuns via cinemasilplaz.ch