Anflar in meinagestiun

(anr/abc) Dapi siat onns ei l’interpresa Nocasa vidlunder da planisar ina cas’aulta a Glion. Las contractivas cul spital ein s’avanzadas. Il project creescha valur a Glion e contuorn. Igl ei ina investiziun da 30 milliuns francs che generescha buca mo lavur als impressaris e mistergners. Al meinaproject Flurin Candinas da Nocasa ha quella caussa custau bia energia. Siat onns cuozan las preparativas gia. Igl atun vargau han divers recuors da vischins pertuccai bloccau l’entschatta da baghegiar. Era il cussegl d’administraziun dil spital regiunal ha giu resalvas. Sco quei che Candinas confirma ein las contractivas ella fasa finala. Renunziar a quei project vegni buc en damonda per el, tonpli che la planisaziun locala seigi reglada. Ussa spetga il spital aunc sil meinagestiun per la residenza da Nocasa.

pagina 3