Il bau cazzola ei 
animal digl onn 2019

(anr/sr) Uonn ha la Pro Natura declarau il bau cazzola sco animal digl onn. Il 2019 sclarescha il bau cazzola (Glühwürmchen/Lampyris noctiluca) pia la situaziun dils insects en Svizra. Igl animalet misterius ei aunc ussa derasaus pulit bein en Svizra, mo siu spazi da viver vegn destruius pli e pli fetg e la polluziun da glisch e pesticids ein ulteriurs facturs che smanatschan. Atgnamein eis el gnanc in vierm, mobein in bau e las femellas sclareschan pér alla fin da lur veta per carmalar neutier ils mascals e procurar per descendenza. Pér il tierz onn da sia veta fa la larva poppa ed il bau seschluetta viado, mo en quei stadi maglia el nuot pli e viva perquei mo circa duas jamnas culla finamira da semultiplicar.

pagina 2