Martin Candinas alla surdada dils «Glorys» a Turitg

Era uonn ha «Glanz & Gloria» puspei tscharniu ensemen cun «Tele» e «Glückspost» las persunalitads svizras digl onn 2018. La surdada dils aschinumnai «Glorys» ellas categorias Crazy, Style, Emotion, Love e Like ha giu liug la sonda vargada a Turitg. Denter ils nominai ella categoria «Crazy» nua ch’il premi ei la finfinala ius a Dianne Brill sesanflava era cusseglier naziunal Martin Candinas. Sco prominent digl onn 2018 ei Matthias Sempach vegnius eligius. La fotografia muossa in trio grischun a Turitg – Martin Candinas sco nominau, Manuela Morgenthaler sco collaboratura da Glanz & Gloria e Salar Bahrampoori sco moderatur dalla sera dalla surdada dils Glorys.

Ervin Monn