Candidatura dubla

DA GION NUTEGN STGIER / ANR

Jon Pult, l’anteriur president da la ps grischuna, candidescha l’october che vegn per il cussegl naziunal e per il cussegl dals chantuns. Quai è vegnì enconuschent ier. La ps grischuna va en l’offensiva tar las elecziuns naziunalas 2019 ch’han lieu en il mais d’october. Cun Jon Pult, l’anteriur president ed anteriur deputà, ha la ps nominà per la successiun da cussegliera Silva Semadeni in um cun in immens profil politic. Sin champ naziunal vala el gia pli ditg sco in «shooting star» da la politica. La surpraisa è che Pult candidescha per il cussegl naziunal e lura er per il cussegl dals chantuns. Quai vul dir che Stefan Engler (pcd) e Martin Schmid (pld), ils dus cussegliers dals chantuns en uffizi, survegnan concurrenza. Da supponer è ch’er la ps grischuna vegn a nominar ina candidata ubain in candidat per il cussegl dals chantuns. Da preschent curseschan be dus nums: Heinz Brand e Magdalena Martullo, l’um e la dunna che fan part dal cussegl naziunal. Nus avain er rimnà intginas reacziuns.

pagina 2