Cup mundial da para-ski: Spert e precis

Da Hans Huonder / anr

Para-ski ei ina disciplina ch’unescha il slalom gigant cun paracurdar. L’autra jamna semesiran ils megliers a Mustér. Igl ei l’emprema ga che quella concurrenza ha liug sisum la Surselva. Ch’ella ei gest leu ha surtut motivs persunals. Il contact denter las Pendicularas Mustér SA ed ils organisaturs ei numnadamein vegnius procuraus d’Andi Duff che posseda ina habitaziun secundara a Mustér. El ei commember dalla suprastonza da Swiss Skydive, la Federaziun svizra dils paracurdaders da sport. Al Cup mundial ch’ha liug dils 25 entochen ils 27 da schaner semesiran atlets da differentas naziuns. En quella concurrenza han els d’absolver dus cuors d’in slalom gigant e silsuenter sis segls cun paracurdader ord 1000 m. Suenter haver bandunau il helicopter ston els empruar da setschentar aschi precis sco pusseivel.

Pagina 5