Scuol festagescha 
si’aua forta

(anr/afi) Avant 650 ons sun gnüdas manzunadas la prüma vouta las funtanas d’aua forta da Scuol. Illa regiun sbuorflan bundant 20 differentas funtanas. La Regiun da vacanzas Engiadina Scuol Zernez ha l’intent da render plü cuntschaint quist prodot unic. Perquai s’haja inizià a la fin da l’on 2017 il proget per ün concept general per la posiziun da l’aua illa regiun. Dürant l’on da giubileum sun planisadas da prümavaira fin d’utuon in minchüna da las ses fracziuns dal cumün da Scuol üna festa da bügl. A chaschun dals settavels Dis da l’aua as voula preschantar ils prüms resultats pel concept general per posiziunar l’aua. La tematica da l’aua dess esser dapertuot preschainta e’l giubileum dess dvantar ün on da tuots e per tuots.

pagina 5