Grond engaschi en favur dil 
sport da cuorsa liunga a Breil

Il venderdis sera e la sonda vargada han differents cuors da skating sco era in test da material cullas marcas Fischer, Rossignol, Salomon e KV+ giu liug a Breil. Quei sco gia dapi biars onns en collaboraziun culla gruppa d’interess pil sport da cuorsa liunga, cuort GICL Breil. Sco facit astgan ins danovamein constatar ch’il sport da cuorsa liunga gudogna onn per onn dapli interess ella regiun. Sco pintga surpresa ei uonn Toni Livers staus dalla partida sco menader pil cuors dil vendergis sera. Ils participonts han mussau engaschi cumplein e tedlau precautamein ils tips e trics dil profi. Dus dis pli tard ha Livers contonschiu il secund plaz al Planoiras a Lai. Tgi sa sche era Livers ha profitau dils tips dils da Breil? La sonda han ils organisaturs danovamein astgau beneventar ina gronda gruppa indigens e hosps als differents cuors da skating. Era dalla purschida da test da material ei vegniu fatg diever dalla damaun entochen la sera. Il team da Sport Beat engrazia per la ferma e buna collaboraziun culla GICL Breil sco era alla vischnaunca per las bellezia loipas e giavischa a tut ils curriders da cuorsa liunga vinavon in bellezia unviern.

Annunzias per ulteriurs cuors da fuffergnadi: www.sportbeat.ch

Renato Livers