Ideas genialas e futuristicas

(anr/sr) «Be a Genius» ei la concurrenza per persunas giuvnas tochen 30 onns ch’ei vegnida lantschada a caschun dalla EX18 a Mustér. Il venderdis sera ein ils participonts vegni undrai ella sala Kaiser dalla claustra a Mustér. Endisch dils 17 projects inoltrai ein vegni rangai en duas categorias. Sco victur ha Noah Fetz da Domat astgau turnar a casa. Quei grazia a sia «BZS App», ina app adattada pils scolars dil Center da formaziun Surselva per controlla da notas, urari ed auter. Aschi geniala sco sempla para l’idea da Flurin Jacomet e Maurus Fry. Ils secund plazzai han presentau lur visiun da midar igl anteriur spital dil militar – che s’auda alla claustra – en in Center da datas Mustér.

pagina 5