Radunanza dal District da musica I

(anr/bcs) D’incuort ha gnü lö a Zernez la radunanza da delegats dal District da musica I. Quel es ün da quatter districts in Grischun e dombra 26 societats da musica. A quel fan part las regiuns Engiadina, Samignun, Val Müstair, Puschlav e Bergiaglia. A la radunanza a Zernez es stat ün tema important la scolaziun da dirigents e giuvens musicants. Sco cha’l president dal district I Jachen Kienz ha dit as lessa metter grond pais sülla scolaziun per dispuoner in avegnir da buns dirigents e buns musicants. Ün chomp da musica da duos dis in möd fich intensiv cun Roman Caduff es gnü realisà dal 2018 ed ha gnü grond success. Las tractandas ordinarias sun gnüdas approvadas cun unanimità.

pagina 7