Mantegner la 
diversità da las pratchas

DAD ANNATINA FILLI / ANR

La situaziun demografica dals meidis da chasa es ün svilup a disfavur dal provedimaint da sandà na be illa periferia, dimpersè eir sül nivel chantunal. «I s’ha gronda fadia da motivar a meidis giuvens da surtour üna pratcha da meidi da chasa», constata Philipp Gunzinger, il president dal Forum d’economia da la Regiun Engiadina Bassa Val Müstair. In Engiadina Bassa es la situaziun, tenor el, a reguard pratchas da meidis da chasa amo buna. «Nus stuvain però pisserar cha quai resta eir in avegnir uschea e chi detta l’ün o l’oter successur chi’d es pront da surtour üna da las pratchas da meidi da chasa chi vegnan libras dürant ils prossems ons», es seis avis. Ün meidi giuven chi ha fat avant quatter ons il pass in l’independenza es Christoph Weiss. «Da dvantar üna vouta meidi da chasa e da lavurar in üna pratcha d’eira adüna fingià meis sömmi.»

pagina 7