«Sigisbert en Rezia» 
contra «Robinson»

(mc) Alla fin dil 19avel tschentaner ha la regenza grischuna giu decretau il «Robinson» sco lectura obligatorica ella secunda primara. Quella decisiun ha evocau ina vehementa opposiziun, cunzun en Surselva. Capar Decurtins e buca meins che 44 cussegls da scola dalla Surselva han protestau cun ina petiziun encunter la lectura «che cunterfa als principis morals dil cristianissem». A Glion ha in cumin grond, frequentaus da 300 umens, priu 1900 ina resoluziun encunter il «Robinson» e proponiu sco alternativa il «Sigisbert im rätischen Tale» da pader Maurus Carnot. La finala ha la regenza giu pauc autras letgas che capitular.

Pagina 2