«Be entupà 
schuldads motivads»

DA GION NUTEGN STGIER / ANR

Trais Grischuns fan ina bilantscha positiva da l’occurrenza internaziunala. Quai èn Lucas Caduff, il cumandant da la Divisiun territoriala 3, Tarzisius Caviezel, il landamma da Tavau, e cusseglier guvernativ Peter Peyer. Per la fin dal Forum mundial d’economia 2019 ha divisiunari Lucas Caduff envidà las instanzas politicas dal chantun, da Tavau e represchentants da la polizia chantunala ad in’occurrenza finala. Gì lieu ha quella sur la vischnanca da Tavau en la «Thurgauer Höhenklinik», il quartier da 300 schuldads ed uffiziers da la divisiun. En ses pleds ha il divisiunari sursilvan cunzunt ludà la collavuraziun excellenta cun la vischnanca da Tavau, cun la polizia chantunala e lura er cun il chantun. Ultra da quai ha el be chattà buns pleds per ses schuldads. Avant e durant il Forum mundial d’economia haja el be entupà umens motivads, plain passiun per l’occurrenza e cun in grond engaschament e quai durant 24 uras.

pagina 2