Luzi Bürkli banduna 
il «Bündner Tagblatt»

(mc) Il schefredactur dal «Bündner Tagblatt» Luzi Bürkli banduna la gasetta e daventa nov manader da communicaziun da Grischun Vacanzas. Sco quai che la chasa editura Somedia communitgescha va Luzi Bürkli la fin da matg. El è stà dapi il november 2015 schefredactur dal «Bündner Tagblatt», avant era il schurnalist manader dal post da medias tar il chantun Grischun. Luzi Bürkli ha dirigì la redacziun dal «Bündner Tagblatt» cun bleras ideas e grond engaschament. Ensemen cun ses team ha el dà a la pli veglia gasetta dal Grischun ina parita moderna e nunconfundibla. Tranter auter ha el lantschà la retscha tant appreziada da «BT in der Beiz» live avant publicum, che vegn er emessa sin «Tele Südostschweiz». Ses temp tar il «Bündner Tagblatt» commentescha il schefredactur partent cun ils pleds: «Igl è stà per mai in grond plaschair da surpigliar questa incumbensa plain tensiuns ch’enserra dentant era grondas sfidas.»

Era sch’il «Bündner Tagblatt» giaschja ad el a cor veglia el uss anc surpigliar ina nova sfida professiunala», di Luzi Bürkli.