Zona da mansteranza plü gronda

DA FLURIN ANDRY / ANR

Il chantun dà al cumün da Scuol glüm verda per ingrondir illa fracziun da Sent la zona da mansteranza Pozzet. Quist ingrondimaint da 2000 meters quadrat vain cumpensà in ün oter lö. Dürant l’on 2014, amo avant la fusiun cun Scuol, vaivan ils respunsabels da Sent tut suot ögl lur zona da mansteranza e decis da tilla ingrondir. La zona actuala ha üna grondezza da 5100 meters quadrat. Il cumün prevezzaiva d’integrar in quella amo ulteriurs 2000 meters quadrat, per gronda part terrain cumünal. Manader tecnic da Sent d’eira da quel temp Christian Poo. In december 2014 ha il suveran da Sent approvà quist intent. «I s’ha lura inoltrà al chantun la dumonda ufficiala per quist ingrondimaint», as regorda Poo, «ma cunquai cha da quel temp d’eiran entradas in vigur plüssas fusiuns da cumüns, uschè eir quella da Scuol, han ils respunsabels suspais quista decisiun.» Ün ulteriur motiv cha’ls uffizis respunsabels han stuvü metter otras proritats d’eira tenor el la nouva ledscha davart la planisaziun territoriala. Uossa però ha il cumün da Scuol fusiunà survgni il permiss.

pagina 6